Bugun.tv xəbər verir ki, “Hatayspor”un qanalı futbolçusu Kristian Atsu ilə paytaxt Akkrada vida mərasimi keçirilib.
Futbolçunu son mənzilə yola salmaq üçün Qana prezidenti Nana Akufo-Addo, vitse-prezident Mahamudu Bavumia, keçmiş prezident Con Dramani Mahama, həmçinin Atsunun qohumları, komanda yoldaşları və çoxlu sayda insanlar gəlib. 
Futbolçu doğulduğu Böyük Akkra əyalətinin Doqobome bölgəsində dəfn ediləcək. 
Xatırladaq ki, Kristian Atsu Kahramanmaraşda baş verən zəlzələdə həyatını itirib. Onun cənazəsi fevralın 19-da ölkəsinə göndərilib.