Müsəlman dünyasında sabah İslamın müqəddəs bayramları içərisində özünəməxsus yer tutan orucluq ayı başlayır. Hicri təqviminin 2-ci ilindən başlayan bu ay “on bir ayın sultanı” hesab olunur. Onu müqəddəs edən səbəblərdən biri də odur ki, Quranın nazil olduğu Qədr gecəsi məhz bu ayın gecələrinin birinə təsadüf edir.
Oruc tutmaq, müsəlmanlığı şərtləndirən 5 əsas amildən biridir. Ramazan ayı – nəfsinə hakim olması, günahlarının bağışlanması, paklanması üçün Tanrının insana verdiyi bir fürsətdir.
Bu müddət ərzində insan onu yaradanla mənəvi bağları möhkəmlənir.
Azərbaycanda orucluq bu il martın 23-ü başlayır və Nazirlər Kabinetinin Qərarına əsasən, 21, 22 aprel Ramazan bayramı günləri kimi qeyd olunacaq.
Allah tutduğunuz orucları qəbul etsin!