Bugun.tv xəbər verir ki, hadisə ABŞ -da yaşanıb. Belə ki, Dimmitt şəhərindəki Southfork Dairy Farm süd zavodunda partlayış baş verib.
Bu barədə yerli mətbuatda məlumat dərc olunub.
Partlayışdan sonra başlayan yanğında süd zavodunda sıxışan işçilər ağır xəsarətlərlə xəstəxanaya aparılıb. Səlahiyyətlilər hadisənin səbəbinin hələ müəyyən edilmədiyini bildiriblər. Məlumatda qeyd olunub ki, partlayış zamanı 18 min inək ölüb.
ABŞ-da heyvan hüquqlarının müdafiəsi ilə məşğul olan Animal Welfare Institute (AWI), Southfork Süd Farmında yaşanan hadisənin ölkədə ən böyük heyvan ölümü olduğunu açıqlayıb.
Qeyd edək ki, 2020-ci ildə Nyu Yorkda süd zavodunda baş verən yanğında təxminən 400 inək tələf olmuşdu.
Mənbə: NTV haber