Bugun.tv xəbər verir ki, Birləşmiş Millətlər Təşkilatının Sudanda yerləşən Humanitar Məsələlər üzrə Koordinasiya ofisi talan edilib.
“Sudanda obyektlərin hədəfə alınması davam edir. İşçilərə qarşı hücumlar və cinsi zorakılıq baş verir. Dünən Cənubi Darfurdakı UNOCHA Sudan ofisimiz talan edilib. Bu yolverilməzdir və dayandırılmalıdır”, – təşkilatdan bildirilib.
Qeyd edək ki, aprelin 15-də Sudanın paytaxtı Xartumda ordu ilə Çevik Dəstək Qüvvələri (HDK) arasında qarşıdurmalar baş verib. Son məlumatlara görə, toqquşmalarda 180-dən çox dinc sakin həlak olub. Yaralıların sayı 1800-ü keçib.
Mənbə: TASS