Bugun.tv xəbər verir ki, Amerika Prezidenti Co Bayden namizədliyini irəli sürmək niyyətindədir.
“New York Times” qəzetinin məlumatına görə, bu bəyanatın gələn çərşənbə axşamı video mesajla elan olunma ehtimalı var. Prezident Bayden aylardı ki, ikinci müddətə namizədliyini irəli sürməyi düşünürdü. Lakin, xüsusilə Demokrat namizədlər ara seçkilərdə gözlənildiyindən yaxşı çıxış etdikdən sonra, bu açıqlama onun komandasının tələbi ilə təxirə salındı.
Digər tərəfdən, Ağ Evdəki ekspertlər, Respublikaçılar namizədlik yarışında bir-biri ilə mübarizə apararkən Baydenə siyasi çəkişmələrdən uzaq durmağı tövsiyə ediblər.
Qeyd edək ki, 80 yaşlı Bayden yenidən namizədliyini elan edərsə, ikinci müddətinin sonunda 86 yaşı tamam olacaq.