Rusiyanın Sverdlovsk vilayətində 130-dan çox ev yanğın nəticəsində məhv olub. 1 nəfərin isə öldüyü deyilir.
Bugun.tv xəbər verir ki, bu barədə ölkənin Fövqəladə Hallar Nazirliyinin regional bölməsinin açıqlamasında bildirilir.
“Yanğınsöndürənlər Tayojnı və Sosva qəsəbələrində 1200-dən çox evi xilas edə biliblər. Bununla belə, alovlar 178 binanı, o cümlədən 134 evi məhv edib”, – məlumatda deyilir.
Regional hakimiyyət orqanları bildirir ki, bütün kommunal, enerji və qaz xidmətləri yanğınlara qarşı yüksək hazırlıq vəziyyətinə gətirilib.
Fövqəladə Hallar Nazirliyinin sözçüsü daha əvvəl TASS–a bildirib ki, Sosvada 9 min kvadratmetr, Tayojnıda isə 2700 kvadratmetr sahədə yanğınlar söndürülüb.