Yevlax Rayon Polis Şöbəsinin təşkilatçılığı ilə rayonun 10 saylı tam orta məktəbində “Narkomaniya ümumbəşəri bəladır” və “Erkən nikah və onun fəsadları” mövzularında maarifləndirmə tədbiri keçirilib.
Bugun.tv xəbər verir ki, tədbirdə çıxış edən RPŞ-nin rəisi, polis polkovniki Elnur Mehdiyev şagirdlərə narkomaniya və onun fəsadları ilə bağlı geniş məlumat verib, “ağ ölüm”ün ailə və cəmiyyət üçün yaratdığı ciddi problemləri diqqətə çatdırıb. Narkomaniyanın qarşısının alınması istiqamətində görülən genişmiqyaslı tədbirlərdən bəhs edib. Daha sonra E.Mehdiyev erkən nikahın səbəb olduğu problemlərdən söhbət açaraq, hər bir uşağın yaşamaq, təhsil almaq, müdafiə olunmaq hüquqları olduğunu vurğulayıb. Qeyd edib ki, hər bir şagird öz hüquq və vəzifələrini bilməli, zərərli vərdişlərdən uzaq durmalıdır.
Sonda isə iştirakçıları maraqlandıran suallar cavablandırılıb.
