Bugun.tv xəbər verir ki, İlon Mask Twitter-in baş direktoru vəzifəsindən istefa verib. O şirkət üçün yeni baş direktoru işə götürdüyünü açıqlayıb. Musk bildirib ki, yeni icraçı direktor 6 həftə sonra işə başlayacaq.
Twitter hesabında etdiyi paylaşımda, “Twitter üçün yeni CEO işə götürdüyümü elan etməkdən çox həyəcanlıyam. Təxminən 6 həftə sonra başlayacaq” – ifadələrini işlədib.
Yeni CEO-dan sonra Musk, rolunun məhsullara, proqram təminatına və xidmətlərə nəzarət edən İdarə Heyətinin sədri və Baş Texnologiya Direktoru (CTO) olacağını bildirib.
Maskın paylaşımından yeni CEO-nun qadın olacağı anlaşılsa da, ad verilməyib.
Qeyd edək ki, bəzi Tesla səhmdarları Twitter-in Maskın diqqətini yayındırdığına inanırdılar və onun Tesladakı vəzifələrinə diqqətini cəmləyə bilməməsindən narahat idilər.
Mənbə: criturk.com