Bugun.Tv xəbər verir ki, Fransa Prezidenti Emmanuel Makron 2024-cü ilin oktyabrında Brüsseldə keçirilən Avropa İttifaqı sammiti zamanı jurnalist Fransuaza Deqoa ilə şəxsi yazışmasında Almaniyanın sabiq kansleri Angela Merkel və İtaliyanın keçmiş baş naziri Mario Draqi üçün darıxdığını bildirib.
Makron Telegram vasitəsilə göndərdiyi mesajda sammitdəki mühiti darıxdırıcı və yaradıcılıqdan uzaq kimi xarakterizə edib. O, “Mario Draqi və Angela Merkel üçün çox darıxıram” sözlərini yazıb.
Bu yazışmalar Fransuaza Deqoanın noyabrın 5-də Fransanın “Robert Laffont” nəşriyyatında işıq üzü görən “Vous êtes tous trop durs avec moi” adlı kitabında yer alıb. Kitabda jurnalistin Makronla təxminən iki il ərzində apardığı şəxsi Telegram söhbətlərindən parçalar təqdim olunur.
Məlumata görə, jurnalist yazışmaları dərc etməzdən əvvəl Fransa prezidentindən icazə almayıb. Kitabdan bəzi hissələr nəşrdən əvvəl “Le Figaro” və “Marianne” mətbu orqanlarında da yayımlanıb.
Mənbə: Mail.ru