ABŞ-ın daxili və cənub bölgələrində tornado baş verib.
Bugun.tv xəbər verir ki, bu barədə ABŞ Milli Meteorologiya Xidməti bildirib.
Ötən gecə Luiziana, Kolorado, Kanzas, Nebraska və Oklahoma ştatlarında ən azı 16 tornado qeydə alınıb.
Yerli media indiyədək təbii fəlakət nəticəsində ölən və ya yaralananların tapılmadığını, lakin bəzi yaşayış məntəqələrində evlərə və iş yerlərinə ciddi ziyan dəydiyini yazıb.
Meteorologiya rəsmiləri tornado, dolu, leysan yağış və sel kimi təbiət hadisələrinin həftə sonuna qədər davam edəcəyini bildiriblər. Vətəndaşlardan lazımi ehtiyat tədbirlərini görmələri barədə xahiş olunub.
Mənbə: TRT haber