14 may 2023-cü ildə Türkiyə Cumhuriyyətində prezident və parlament seçkilərini müşahidə etmək üçün Türkiyədə səfərdə olan TÜRKPA nümayəndə heyətinin rəhbəri, Azərbaycan-Türkiyə parlamentlərarası əlaqələr üzrə işçi qrupun rəhbəri Əhliman Əmiraslanov, deputatlar Ağalar Vəliyev və Anar Məmmədov, Qazaxıstan və Qırğızıstan millət vəkilləri, TÜRKPA katibliyinin əməkdaşları səfər çərçivəsində seçkilərlə bağlı hazırlıqlarla, seçki məntəqələrində prossesin gedişi ilə tanış olublar.
TÜRKPA Seçki Müşahidə Missiyası həmçinin, prezidentliyə namizədlərin nümayəndələri, o cümlədən parlamentə olan namizədlər və onların nümayəndələri ilə görüşmüşlər. Onlar eyni zamanda, seçki prossesində iştirak edən Siyasi Partiyaların qərərgahlarında olub və onların nümayəndələri ilə görüşlər keçiriblər.
