Bugun.tv xəbər verir ki, Daşkəsən rayonuna qar yağıb. Hava dəyişikliyi rayonunun Qabaqtəpə, Astaf, Əmirvar, Gurbulaq və Xoşbulaq kəndlərində qeydə alınıb.
Güclü küləyin, intensiv dolu yağışlarının, sel-sullarının yaratdığı təbii fəlakətdən sonra bəzi kəndlərdə vətəndaşların təsərrüfatlarına və fərdi yaşayış evlərinə ziyan dəyib. Hazırda rayon ərazisində qarın yağması və qeyri-sabit hava şəraiti davam edir.
Yağan qarın qalınlığı kəndlərdə 5-10, yüksək dağ ərazilərində 15-30 santimetrə çatıb. Qarın yağması elektrikin, suyun, qazın verilişində və rayon mərkəzi ilə kəndlər arasında yollarda ciddi problemlər yaratsa da, rayon İcra Hakimiyyəti əlaqədar qurumlarla birgə qabaqlayıcı tədbirlər görürlər.