Bugun.tv xəbər verir ki, çoxdan gözlənilən mesaj redaktə funksiyası WhatsApp-a gəldi. İstifadəçilərin mesajları 15 dəqiqə ərzində redaktə oluna biləcək.
“Meta” şirkəti bu funksiya vasitəsi ilə sadə bir yazı səhvini düzəltmək və bir mesaja kontekst əlavə edə bilməyin mümkün olacağını deyib.
İstifadəçilər göndərdikləri mesajda “redaktə et” seçimi ilə yazıya 15 dəqiqə ərzində dəyişiklik edə biləcəklər. Bu, proses “redaktə edildi” ifadəsi ilə işarələnəcək. Lakin mesajlaşan şəxslərin redaktə tarixçəsinə baxmaq mümkün deyil.
Bildirilib ki, mesajlar və redaktələr başdan-ayağa şifrələmə ilə qorunacaq. Funksiya bütün dünyada əlçatan olacaq və yaxın həftələrdə hər kəsin ixtiyarına veriləcək.
Mənbə: Ensonhaber