“Qərb Ukraynaya nüvə silahı verərsə, Rusiya qabaqlayıcı zərbə endirməli olacaq”.
Bugun.tv xəbər verir ki, bu barədə Rusiya Təhlükəsizlik Şurasının sədr müavini Dmitri Medvedev nüvə silahının Ukraynaya ötürülməsi barəsində suala cavab olaraq bildirib.
Vyetnama səfəri zamanı jurnalistlərlə söhbətində Avropa və ABŞ-dan danışan Medvedev indiki vəziyyətdə “Kiyev rejiminə kifayət qədər təyyarə verəcəklərini” və üstəlik, bəlkə də nüvə silahı verəcəklərini istisna etməyib.
“Ancaq bu o deməkdir ki, onlar Ukraynaya nüvə yükü olan bir raket verməyi düşünür. Müharibənin dönməz qanunları var. Söhbət nüvə silahından gedirsə, qabaqlayıcı zərbə endirmək lazım gələcək”, deyə o bildirib.
Onun fikrincə, anqlosakslar isə işin bu yerə gəlməyəcəyinə inanırlar.
“Düşünürəm ki, bu qaçınılmazdır və müəyyən şərtlər altında ola bilər” – deyə Medvedyev əlavə edib.
Mənbə: mail.ru