Rusiya qüvvələri Voronej vilayətinin cənub-qərbində anti-terror əməliyyatı çərçivəsində lazımi əməliyyat və döyüş tədbirləri həyata keçirir.
Bugun.tv xəbər verir ki, bu barədə vilayət qubernatoru Aleksandr Qusev bildirib.
“Rusiya Silahlı Qüvvələri antiterror əməliyyatı çərçivəsində Voronej vilayətinin ərazisində lazımi əməliyyat və döyüş tədbirləri həyata keçirir. Mən sizi son hadisələrlə bağlı məlumatlandıracağam”, – o öz Telegram kanalında bildirib.
“Vaqner” özəl hərbi şirkətinin təsisçisi Yevgeni Priqojinin Telegram kanalında bir müddət əvvəl ölkənin hərbi rəhbərlərinə qarşı ittihamların yer aldığı bir neçə audio yazı yerləşdirilib. Bundan sonra Rusiya Federal Təhlükəsizlik Xidməti (FSB) silahlı qiyam çağırışı ilə bağlı cinayət işi açıb. FSB Vaqner döyüşçülərini Priqojinin əmrlərinə tabe olmamağa və onun saxlanılması üçün tədbirlər görməyə çağırıb.
Mənbə: TASS