“Yuventus” yarımmüdafiəçi Pol Poqbanı satmağı düşünür. Bugun.tv xəbər verir ki, bu barədə “La Gazetta dello Sport” məlumat yayıb.
Mənbə bildirib ki, Turin klubu fransalı futbolçunun zədə nisbətinin yüksək olmasından narahatdır.
Qeyd edək ki, 2022/2023 mövsümündə Poqba bir məhsuldar ötürmə etdiyi bütün yarışlarda “Yuventus”un heyətində on matça imza atdı.
Futbolçunun Turin klubu ilə müqaviləsi 2026-cı ilin iyun ayının sonuna kimi qüvvədədir. Transfermarkt internet portalına görə, futbolçunun təxmini dəyəri 15 milyon avrodur.
Xatırladaq ki, Turin komandası 62 xalla 7-ci yerdə qərarlaşıb. Byankonerilər (2023/2024) Konfrans Liqasında çıxış edəcək. Çempionat zamanı “Yuventus”dan on xal silinib. Komanda Çempionlar Liqasının qrup mərhələsindən kənarda qalıb, daha sonra Avropa Liqasının yarımfinalına yüksəlib. İtaliya kubokunda “Yuventus” yarımfinalda mübarizədən kənarlaşdırılıb.