Bugun.tv xəbər verir ki, ABŞ prezidenti Bayden bütün ölkələri Kimyəvi Silahlar Müqaviləsinə qoşulmağa çağırıb. “Mən qalan ölkələri Kimyəvi Silahlara dair Konvensiyaya qoşulmağa təşviq etməyə davam edirəm ki, kimyəvi silahlara qlobal qadağa tam potensialına çatsın”, – deyə Co Bayden bildirib.
TRT Haberin məlumatına görə, ABŞ Senatındakı Respublikaçılar Partiyasının lideri Mitch McConnell dünən ABŞ ordusunun Kentukki ştatındakı Blue Grass anbarında əsəb qazı ilə yüklənmiş raketləri məhv etdiyini açıqlamışdı.
Qeyd edək ki, ABŞ 1997-ci ildə 193 ölkənin iştirakı ilə imzalanan Kimyəvi Silahlar Müqaviləsinə əsasən, sentyabrın 30-na kimi inventarındakı bütün kimyəvi silahları məhv etməyə borclu idi.
Müxbir: Şəms Elnurqızı