Bugun.tv xəbər verir ki, Rusiya Müdafiə Nazirliyi Ukraynanın Moskva vilayətinə pilotsuz uçuş aparatları (PUA) ilə hücum cəhdinin qarşısı alındığını bildirib.
“Bu gün səhər saatlarında Kiyev rejiminin PUA-larla Moskva vilayətindəki obyektlərə terror aktı törətmək cəhdinin qarşısı alınıb”, – məlumatda qeyd olunub.
Açıqlamaya görə, bloklanan hücumlar nəticəsində insan itkisi baş verməyib.
Moskva meri Sergey Sobyanin isə Ukraynanın PUA-larla hücum cəhdinin qarşısı alındığını, lakin düşən pilotsuz təyyarələrin Moskvada bəzi qüllələrə dəyərək zərər gördüyünü deyib.
Digər tərəfdən, sosial mediada yayılan bəzi görüntülərdə Moskvanın göydələnlərinin yerləşdiyi Moskva Siti bölgəsində PUA-lardan birinin qəzaya uğraması nəticəsində partlayışın baş verdiyi görülüb.