Bugun.tv xəbər verir ki, Abşeron Rayon Polis İdarəsi əməkdaşları tərəfindən əməliyyat tədbiri keçirilib. Əməliyyat nəticəsində müxtəlif vaxtlarda Xırdalan şəhəri ərazisində bir evdən 2500 manat dəyərində 2 ədəd televizor, bir köşkdən 800 manat pul, bir evin zirzəmisindən isə velosiped oğurlamaqda şübhəli bilinən şəxs saxlanılıb. Onun Bakı şəhər sakini Bilal Əsədov olduğu müəyyən edilib.
Araşdırmalarla onun daha bir evdən 4750 manat dəyərində qızıl-zinət və məişət əşyaları oğurlaması, həmçinin Xırdalan şəhəri ərazisindən “Toyota” markalı bir avtomobili qaçırması da müəyyən olunub.