Bugun.tv xəbər verir ki, Şimali Koreya orbitə casus peyki yerləşdirməklə bağlı ikinci cəhdinin uğursuzluğa düçar olduğunu və daha bir cəhdin oktyabrda ediləcəyini açıqlayıb.
Bu barədə Şimali Koreya Kosmik Agentliyi məlumat yayıb. Bildirilir ki, “Çollima-1” daşıyıcı raketi və “Malliqyonq-1” peyki onu orbitə çıxarmaq üçün buraxılıb, lakin uçuşun üçüncü mərhələsində fövqəladə partlayış sistemi sıradan çıxdığı üçün uğursuz olub.
Yaponiya Nazirlər Kabinetinin Baş Katibi Hirokazu Matsuno bu təşəbbüsü sülh və sabitliyə təhlükə kimi qiymətləndirib.
Yaponiya Şimali Koreyanın hərbi casus peyki buraxmağı planlaşdırdığını bildirib.
Beynəlxalq qınaqlara baxmayaraq, Şimali Koreya peykin qısa müddətdə yenidən buraxılacağını açıqlayıb.