Bugun.tv xəbər verir ki, Ermənistanın baş naziri Nikol Paşinyan ölkəsinin təhlükəsizlik baxımından Rusiyadan asılılığını strateji səhv kimi qiymətləndirib.
Ermənistanın baş naziri Nikol Paşinyan İtaliyanın “La Repubblica” nəşrinə danışarkən Rusiyanı tənqid edərək, “Təhlükəsizlik məsələsinin Rusiyadan asılı olması strateji səhv idi”, – deyib.
Azərbaycanla danışıqların davam etdiyini deyən Paşinyan Qarabağda yaşayan ermənilərin Rusiyanın qarantiyası altında olduğunu xatırladıb. O, Azərbaycanın bölgədə gömrük-keçid məntəqəsi yaratmasına reaksiya verib.
Kollektiv Təhlükəsizlik Müqaviləsi Təşkilatı (KTMT) və Rusiya ilə bağlı Ermənistanda dərin məyusluq yarandığını bildirən Paşinyan “Məncə, bu, açıq həqiqətdir”, – söyləyib.
Paşinyan Azərbaycanla münaqişəni əsas gətirərək ilin əvvəlində Ermənistanda keçirilməsi planlaşdırılan KTMT təliminə ev sahibliyi etməkdən imtina edib.
Mənbə: TRT Haber