Bugun.tv xəbər verir ki, Mersində PKK/KCK və DEAŞ terror təşkilatlarına qarşı keçirilən əməliyyatlarda 6 şübhəli saxlanılıb. İl Təhlükəsizlik Müdirliyindən verilən açıqlamaya görə, Terrorla Mübarizə Şöbəsi qrupları PKK/KCK və DEAŞ terror təşkilatlarını maliyyələşdirən şübhəlilərin tutulması üçün əməliyyata başlayıb.
TRT Haber-in məlumatına görə, Xüsusi hərəkat polisinin dəstəyi ilə pilotsuz təyyarələrdən istifadə edilən əməliyyatlarda qruplar bəzi şübhəlilərin evlərinə qoçla qapıları sındıraraq daxil olub.
Əməliyyatlar zamanı 6 şübhəli saxlanılıb.
Ünvanlarda cinayət tərkibi hesab edilən çoxlu sayda qəbz və rəqəmsal materiallar, o cümlədən 650 dollar, 140 min Qərbi Afrika frankı və 1695 lirə ələ keçirilib.
Şübhəlilərin polis bölməsində əməliyyatları davam edir.