Bugun.tv xəbər verir ki, UEFA Çempionlar Liqasında qrupdan çıxmaq şansını son həftəyə daşıyan “Qalatasaray”ın dekabrın 12-də “Kopenhagen”lə matçının qiyməti 12,4 milyon avrodur.
Sarı-qırmızılı komanda adını növbəti mərhələyə yüksəltmək üçün rəqibi ilə səfər matçında qalib gəlməlidir.
Cim-bom bu kritik matçda 3 xal qazansa, ilk olaraq 2,8 milyon avroluq qələbə bonusunu alacaq. Qalatasaray da bu qələbə ilə son 16 tura viza alacağı üçün seyfinə 9,6 milyon avro qoyacaq.
“Qalatasaray”ın məğlub olacağı təqdirdə 12,4 milyon avro Danimarka təmsilçisinə gedəcək. Qarşılaşma heç-heçə bitərsə, sarı-qırmızılılar 0,93 milyon avro ilə kifayətlənəcək.
Kopenhagen qələbəsi Qalatasarayın qazancını 43,6 milyon avroya yüksəldəcək.