İstanbulda Birləşmiş Millətlər Təşkilatının İnkişaf Koordinasiya Regional Ofisi yaradılacaq.
Bugun.tv xəbər verir ki, Türkiyə Böyük Millət Məclisinin (TBMM) Xarici Əlaqələr Komitəsi son iclasında BMT-nin İnkişaf Koordinasiya Mərkəzinin İstanbulda Regional Ofisinin yaradılması haqqında sazişin təsdiq edilməsi haqqında qanun layihəsini dəstəkləyib. Layihənin yeni ildə TBMM-in Baş Məclisində müzakirəyə çıxarılması gözlənilir.
İstanbulda yaradılacaq ofis BMT-nin Avropa və Mərkəzi Asiya üzrə 18 rezident əlaqələndiricisinə dəstək verəcək. Bununla əlaqədar açıqlama verən xarici işlər nazirinin müavini Burak Akçapar bildirib ki, həmin ofisin yaradılması Türkiyənin İstanbulu Nyu-York və ya Cenevrə kimi BMT mərkəzinə çevirmək vizyonuna uyğundur və bu məqsədə xidmət edir.