Çin Tayvana yaxın günlərdəki silah satışına görə beş Amerika şirkətinə sanksiya tətbiq edib və ABŞ-a etirazını bildirib.
Bugun.tv xəbər verir ki, bu barədə Çin Xarici İşlər Nazirliyinin yaydığı bəyanatda deyilir. Qeyd olunur ki, Birləşmiş Ştatlar Çinin Tayvan bölgəsinə silah satmaqla və müxtəlif bəhanələrlə Çin şirkətləri və fərdi şəxslərinə qeyri-qanuni birtərəfli sanksiyalar tətbiq etməklə, ÇXR-in suverenliyinə və təhlükəsizlik maraqlarına ciddi zərbə vurur.
Beş Amerika hərbi şirkətinə tətbiq olunan sanksiyalara onların Çindəki daşınar, daşınmaz və digər əmlak növlərinin dondurulması daxildir. Habelə Çin təşkilatlarının və fiziki şəxslərin həmin şirkətlərlə ticarət, əməkdaşlıq və digər fəaliyyətlərinə qadağa qoyulub.