Bugun.tv xəbər verir ki, Rusiyanın iki Tu-95MS strateji raket daşıyan bombardmançı təyyarəsi Alyaskanın qərb sahili yaxınlığında planlı uçuş həyata keçirib. Bu barədə Rusiya Müdafiə Nazirliyi məlumat yayıb.
Hərbi idarənin məlumatına görə, uzaqmənzilli aviasiya təyyarələri beynəlxalq qaydalara uyğun olaraq neytral sular üzərindən hava məkanında hərəkət edib.
“Qırıcıların müşayiəti Su-30SM təyyarələrinin ekipajları tərəfindən təmin edilib” nazirlikdən bildirilib. Berinq dənizinin suları üzərində uçuş müddəti yeddi saatdan çox idi.
Bundan əvvəl Şimali Amerika Hava Hücumundan Müdafiə Komandanlığı (NORAD) Amerikanın ərazi suları yaxınlığında iki Rusiya təyyarəsinin aşkarlanması barədə məlumat verib. Eyni zamanda, Vaşinqton təyyarənin ABŞ-ın suveren hava məkanını pozmadığına aydınlıq gətirib.
Mənbə lenta.ru