Bugun.tv xəbər verir ki, Cənub-Şərqi Asiya ölkəsi Vyetnamda prezident Vo Van Thuong-un istefa verib.
Vietnam News saytının məlumatına görə, Vyetnam Kommunist Partiyasının Mərkəzi Komitəsi məsələ ilə bağlı bəyanat verib. Bəyanatda Thuong-un partiyanın müddəalarını “pozduğu” və bu vəziyyətin mənfi ictimai rəyə səbəb olduğu, partiyanın, ölkənin və Thuongun reputasiyasına təsir etdiyi bildirilib.
Açıqlamaya görə, partiyanın və dövlətin əsas liderlərindən biri olduğu bildirilən Thuong tutduğu vəzifədən “könüllü” istefa verib və Mərkəzi Komitə istefanı qəbul edib.
Bəyanatda paylaşılıb ki, Thuong prezident olmaqla yanaşı, Vyetnamda ən yüksək qərar qəbuledici orqan kimi tanınan 16 üzvdən ibarət Siyasi Büro üzvü, partiyanın mərkəzi komitəsinin üzvü kimi vəzifələrinə xitam verilib.