Bugun.tv xəbər verir ki, Alman tədqiqatçılar, 12-13 milyard il yaşı olan və Süd Yolu Qalaktikasının yaranmasında rol oynayan “Şakti” və “Şiva” adlı iki yeni bloku kəşf etdiklərini açıqlayıblar. Maks Plank Astronomiya İnstitutunun açıqlamasına görə, astronomlar Gaia Kosmik Teleskopundan əldə edilən təxminən 6 milyon ulduz haqqında məlumatları araşdırıblar. Süd Yolunun ən qədim tikinti bloklarından biri olduğu təxmin edilən “Şakti” və “Şiva”nın qalaktikanın mənşəyi haqqında mühüm məlumatlar əldə ediblər.
Tədqiqata rəhbərlik edən Almaniyanın Haydelberq şəhərindəki Maks Plank Astronomiya İnstitutunun alimləri, Süd Yolunun bu ulduzların doğulmasından bəri kəskin şəkildə dəyişdiyini deyirlər. Onların bu qədər aydın şəkildə görünəcəyi gözlənilməz olub. Ancaq Gaia-dan alınan əvəzsiz məlumatlar bunu mümkün edib.
Məlumdur ki, qalaktika qaz və tozdan ibarət çoxlu uzun, nizamsız sapların birləşməsi nəticəsində əmələ gəlir.
Şakti və Şiva adlı ulduzlar da bu komponentlərdən ikisi kimi görünür. Mütəxəssislər Gaia-nın gələcəyə doğru daha çox məlumat verəcəyini deyirlər.
Müxbir: Şəms Elnurqızı