Bugun.tv xəbər verir ki, Əfqanıstanın Qəzni vilayətində Sovet İttifaqının işğalı dövründən qalan mina partlaması nəticəsində 9 uşaq həyatını itirib.
Qəzni Mədəniyyət və İnformasiya direktoru Molla Həmidullah Nisar Taliban administrasiyasının xəbər agentliyi Bəhktara danışıb.
O, bildirib ki, Sovet İttifaqının Əfqanıstanı işğalı zamanı partlamamış mina dünən Giro rayonunun Zedran kəndində partlayıb. Hadisə uşaqların partlamamış mina ilə oynadığı zaman baş verdiyini qeyd edərək, hadisə nəticəsində 5-i qız olmaqla 9 uşağın həyatını itirdiyini bildirib.