Tanınmış televiziyaçı, Baku TV media qurumunun xəbər proqramının aparıcı Əsmər Vəlisoy Media Tədris Mərkəzinin tələbələrinə Master klass keçib. O, gələcəyin jurnalistlərinə diksiya, düzgün danışıq və orfoepiya qaydalarından, nitq mədəniyyətindən danışıb, çalışdığı televiziyalardakı təcrübəsini bölüşüb. Əsmər Vəlisoy bu gün bəzi televiziya aparıcılarının bayağı danışıq tərzindən təəsüfləndiyini bildirib. Nitqdəki qüsur və şivə probleminin necə aradan qaldırılması ilə bağlı öz metodlarından bəhs edib.
Daha sonra tələbələr xəbər bloklarını səsləndiriblər. Təlimçi onların diksiyasını dinləyib, öz tövsiyələrini verib.
Sonda tələbələrin suallarını cavablandıran Əsmər Vəlisoy növbəti görüşdə uğurlu aparıcı olmağın sirləri ilə bağlı təlim keçəcəyini bildirib.
