Hizbullah Livanın cənubunda İsrail sərhədində yerləşən yaşayış məntəqəsində İsrail əsgərlərinin yerləşdiyi binanı “birbaşa hədəfə aldığını” açıqlayıb.
Hizbullah tərəfindən edilən yazılı açıqlamada “İsrailin Livanın cənub sərhədində yerləşən Metula qəsəbəsində düşmən əsgərlərinin olduğu binanın müvafiq silahlarla hədəfə alındığı və birbaşa vurulduğu” qeyd edilib.
Açıqlamada hücumların Livanın cənubunda başda Teyr Harfa olmaqla mülki şəxslərə və mülki strukturlara edilən hücumlara cavab olaraq həyata keçirildiyi bildirilib.
Bəyanatda həmçinin bildirilib ki, Ramya hərbi mövqeyi birbaşa və idarə olunan raketlər və artilleriya mərmiləri ilə hədəfə alınıb.Ötən gün İsrail döyüş təyyarələri Livanın cənubunda sərhəddə yerləşən Teyr Harfa qəsəbəsinə hücum edib və 2 nəfər həyatını itirib.
İsrail ordusunun 8 oktyabr 2023-cü il tarixindən etibarən Livanın cənubuna qarşı həyata keçirdiyi hücumlarda ölən Amal Hərəkatı üzvlərinin sayı 19-a, Livanlı mülkilərin sayı isə 61-ə yüksəlib.
Bundan əlavə, toqquşmalarda 294 Hizbullah üzvü, 13 Həmas, 15 İslami Cihad üzvü, 14 İsrail əsgəri və 9 mülki İsrail vətəndaşı həlak olub.
Mənbə: TGRT