4 ay əvvəl fəaliyyətini dayandıran Toyota-nın Daihatsu şirkəti yenidən istehsala başlayıb. Qeyd edək ki, dayandırmaya səbəb bəzi modellərdəki təhlükəsizlik yastığının və idarəetmə bloklarının fərqli hazırlanması olub.
Yaponiya Nəqliyyat Nazirliyi istehsalçının keyfiyyət təhlükəsizliyi standartlarını yenidən yoxladıqdan sonra Daihatsu modellərinin daşınmasına qoyulan qadağa aradan qaldırılıb.
“Biz yaxşı məhsul keyfiyyətinə zəmanət vermək məqsədi ilə daha keyfiyyətli avtomobillər istehsal etməyə çalışacağıq”, – deyə şirkətin açıqlamasında bildirilir. Ötən ay şirkət, Daihatsu-nun bəzi modellərinin inkişafı və təhlükəsizlik məsələləri ilə bağlı nəzarəti gücləndirəcəyini deyib.
Onu da deyək ki, Osakada yerləşən mini avtomobil istehsalçısı Daihatsu Toyota Motor qrupunun bir hissəsidir.
Mənbə: Haber7