İşğal ordusunun gecə saatlarında Qəzza şəhərini bombalaması nəticəsində azı 3 nəfər şəhid olub, çoxlu sayda insan yaralanıb.
İşğalçı təyyarələrin Qəzza şəhərinin cənubundakı Əl Sabra məhəlləsində bir evi bombalaması nəticəsində 3 nəfərin şəhid olduğu, çoxlu sayda uşaq və qadının yaralandığı bildirilib.
İşğalçılar Qəzza zolağının mərkəzində yerləşən Nuseyrat düşərgəsində də bir neçə evi atəşə tutub.
İşğalçılar Qəzza şəhərinin cənub-qərbindəki Tel Əl Heva məhəlləsindəki evləri partladıb, Qəzza şəhərinin cənubundakı Əl-Sinay və Əl-Meqrabi küçələrini pilotsuz uçuş aparatları ilə hədəfə alıblar.
İşğalçılar 2023-cü il oktyabrın 7-dən Qəzza zolağına hücumlarını davam etdirərək, əksəriyyəti qadın və uşaq olmaqla 39 min 324-dən çox insanı şəhid edib, 90 min 830-dan çox insanı yaralayıb.
Mənbə: İLKHA