10 Noyabr bəyanatının müddəalarına uyğun olaraq bölgədə sülhü bərqərar etmək niyyətiylə artıq 2 ildir ki, Qarabağda yerləşən Rusiya sülhməramlılarından son zamanlar etdikləri onların məramına uyğun gəlmir. Bölgədə sülhü bərqərar etmək yerinə vəziyyəti daha da gərginləşdirən kontingentlə yerli QHT-lərimiz arasında qarşıdurma yaranıb.
Bugun.tv xəbər verir ki, bu sözləri Milli Məclisin deputatı, Müdafiə, Təhlükəsizlik və Korrupsiyaya qarşı Mübarizə Komitəsinin üzvü Arzu Nağıyev bölgədəki gərginliyə münasibət bildirərkən deyib.
“Rusiya sülhməramlı qüvvələrinin bölgədəki “fəaliyyəti” onların mandatına uyğun gəlmir. Onlar yerli qurumların nümayəndələrinin keçirdiyi monitorinqlərə maneçilik törədərək qarşıdurmanın yaranmasına səbəb olublar. Şuşa-Xankəndi yolunda QHT-lərin keçirdikləri aksiya dinc şəraitdə, silahsız keçirilib. Düşünürəm ki, belə bir şəraiətdə sülhməramlıların gərginlik yaratmasına heç bir əsas yox idi”.