Bugun.tv xəbər verir ki, Alman mətbuatına istinadən yayılan məlumatlara görə, ABŞ-ın NATO-ya ayırdığı hərbi və maliyyə dəstəyini azaltmaq planı Avropa ölkələrində ciddi narahatlıq yaradıb.
“Ensonhaber”in yaydığı xəbərdə qeyd olunur ki, Brüsseldə NATO qərargahında keçirilən qapalı toplantıda ABŞ nümayəndələri Avropalı müttəfiqlərə mümkün ixtisarlar barədə məlumat veriblər. Bildirilib ki, bu planın miqyası Avropa rəsmilərini təəccübləndirib.
Məlumata görə, ABŞ tərəfi NATO-ya ayrılan bəzi resursların azaldılmasını, o cümlədən hərbi texnika, pilotsuz uçuş aparatları, döyüş təyyarələri və digər strateji vasitələr üzrə dəstəyi azaltmağı nəzərdən keçirir.
Eyni zamanda Vaşinqtonun Avropadakı nüvə çəkindirici qüvvəni saxlayacağı, lakin qitə ölkələrinin artıq təhlükəsizlik məsuliyyətini daha çox öz üzərinə götürməli olacağı bildirilib.
Analitiklər bu addımın NATO daxilində güc balansını dəyişə biləcəyini və Avropanın müdafiə strategiyalarında ciddi dəyişikliklərə səbəb ola biləcəyini qeyd edirlər.
Mənbə: Ensonhaber