ABŞ Avropadakı müttəfiqlərindən Hörmüz boğazında gəmiçiliyin təhlükəsizliyinin təmin olunması ilə bağlı konkret təkliflər hazırlamağı tələb edib.
Məlumata əsasən, bu tələb NATO çərçivəsində keçirilən görüşlər zamanı səsləndirilib. Vaşinqton Avropa ölkələrindən yaxın günlər ərzində boğazda təhlükəsizliyin təmininə dair real planlar təqdim etməyi gözləyir.
Qeyd olunur ki, bu addım Yaxın Şərqdə artan gərginlik və son hərbi toqquşmalar fonunda atılıb. İran və İsrail arasında qarşıdurma, eləcə də ABŞ-ın regiondakı hərbi əməliyyatları beynəlxalq enerji marşrutları üçün riskləri artırıb.
Xatırladaq ki, Donald Trump 8 aprel tarixində İranla iki həftəlik atəşkəs əldə olunduğunu açıqlayıb. Daha sonra İran tərəfi Hörmüz boğazının açıldığını bəyan edib.
Mütəxəssislər bildirir ki, dünya neft tədarükünün təxminən 20%-nin keçdiyi bu strateji marşrutda sabitliyin qorunması qlobal enerji bazarları üçün həyati əhəmiyyət daşıyır.
Mənbə: mail.ru