Bugun.tv xəbər verir ki, ABŞ-da aparılan sorğu nəticəsində məlum olub ki, əhalinin 52 faizi ABŞ administrasiyasının İsrailə “silah və texnika” göndərməsini dəstəkləmir. CBS News telekanalının 16-19 oktyabr tarixlərində keçirdiyi sorğuda iştirakçılara ABŞ prezidenti Co Baydenin İsrail-Fələstin münaqişəsinə münasibəti ilə bağlı suallar verilib.
TRT Haber-in məlumatına görə, iştirakçıların 57 faizi ABŞ-ın Qəzzada fələstinlilərə yardım etməsini dəstəklədiyi halda, 56 faizi Baydenin İsrail-Fələstin münaqişəsi ilə bağlı siyasətindən məmnun olmadığını bildirib. İştirakçıların 85 faizi münaqişənin Yaxın Şərqə yayılma riskindən narahat olduğu halda, 79 faizi ABŞ-da terror fəaliyyətinin mümkünlüyündən narahat olduğunu bildirib. İştirakçıların 52 faizi ABŞ administrasiyasının İsrailə silah və texnika göndərilməsinə qarşı olduğunu bildirsə də, iştirakçıların 24 faizi Baydenin İsrailə həddindən artıq dəstək verdiyini müdafiə edib. ABŞ prezidenti Bayden dünən axşam xalqa müraciətində Ukrayna və İsrail də daxil olmaqla tərəfdaşları dəstəkləmək üçün Konqresi təcili büdcə tələb edəcəyini açıqlayıb.
Müxbir: İntizar Əmirova