ABŞ-ın Texas ştatında yerləşən Port Arthur şəhərindəki Valero neft emalı zavodunda güclü partlayış baş verib.
Məlumata görə, hələlik səbəbi bilinməyən partlayışdan sonra ərazidə yanğın başlayıb. Hadisə yerinə çoxsaylı yanğınsöndürmə briqadaları cəlb olunub.
Port Arthur Yanğınsöndürmə Departamentinin sözçüsü Antonio Mitchell zavodda qəza baş verdiyini təsdiqləsə də, hadisənin detalları barədə hələlik geniş məlumatın olmadığını bildirib.
Şerif Zena Stephens isə ilkin məlumatlara əsasən, hadisə nəticəsində ölən və ya yaralanan olmadığını açıqlayıb. Onun sözlərinə görə, partlayışın sənaye tipli isitmə qurğusundan qaynaqlandığı ehtimal olunur.
Eyni zamanda, zavodun yaxınlığında yaşayan sakinlərə ehtiyat tədbiri olaraq evlərində qalmaq tövsiyə edilib.
Hadisə ilə bağlı araşdırmalara başlanılıb.
Mənbə: Ensonhaber