ABŞ Venesuela prezidenti Nikolas Maduroya verilən mükafatı 25 milyon dollara çatdırıb. Ağ Evin Milli Təhlükəsizlik Kommunikasiyalar üzrə müşaviri Con Kirbi mükafatı daha 10 milyon dollar artırdıqlarını bildirib.
Amerika Birləşmiş Ştatları (ABŞ) administrasiyası Venesuela prezidenti Nikolas Maduronun tutulması və ya saxlanılması ilə bağlı məlumat müqabilində 15 milyon dollar mükafatı 25 milyon dollara yüksəltdiyini açıqlayıb.
Ağ Evin Milli Təhlükəsizlik Kommunikasiyalar üzrə müşaviri Con Kirbi telekonfrans vasitəsilə mətbuat brifinqində Venesuelaya qarşı yeni sanksiyaları açıqlayıb. Kirbi bəyan edib ki, ABŞ administrasiyası Venesuela prezidenti Maduronun tutulması və ya saxlanılması ilə bağlı məlumat üçün 2020-ci ildə təyin edilən 15 milyon dollar mükafat məbləğini 25 milyon dollara yüksəldib.
“LAZIMLI CAVAB VERİLƏCƏK”
Maduronun son seçkilərdə bir daha “demokratik normaları pozduğunu” müdafiə edən Kirbi, ABŞ rəhbərliyi olaraq lazımi cavabı verəcəklərini bildirib. Kirbi, Venesuelanın müdafiə naziri Vladimir Pedrino-nun tutulması ilə bağlı məlumat qarşılığında 15 milyon dollar mükafat təklif etdiklərini, Maduronun yaxın çevrəsindən 7 nəfəri daha sanksiya siyahısına əlavə etdiklərini bildirib.
2024-cü il iyulun 28-də Venesuelada keçirilən prezident seçkilərində 52 faiz səslə üçüncü dəfə qalib gələn Nikolas Maduro bu gün yeni vəzifəsinin icrasına başlayıb. Müxalifət koalisiyasının namizədi Edmundo Qonzales və müxalifət lideri Maria Korina Maçado iyulun 28-də seçkinin nəticələrini rədd ediblər.
Onun barəsində həbs qərarı çıxarıldıqdan sonra Qonzales sentyabrın 8-də həyat yoldaşı ilə birlikdə İspaniya Hərbi Hava Qüvvələrinə məxsus təyyarə ilə Karakasdan Madridə gedib.
Qonzales bu yaxınlarda Ağ Evdə ABŞ prezidenti Co Bayden tərəfindən “Venesuellanın seçilmiş prezidenti” kimi qəbul edilib.
Mənbə: TgrtHaber