Husilərə məxsus Əl-Məsirə televiziyasının xəbərinə görə, ABŞ-ın Yəmənin şimalındakı Səda şəhərinə iki hava hücumu təşkil etdiyi açıqlanıb. Hücum zamanı ölən və yaralananlar barədə məlumat paylaşılmayıb.
İranın dəstəklədiyi husilər ABŞ-ın Səda şəhərinə iki hava hücumu təşkil etdiyini açıqlayıb. Husilərə məxsus Əl-Məsirə televiziyasının verdiyi məlumata görə, Səhər bölgəsinə iki hava hücumu təşkil edildiyi öyrənilib.
Husilərin Ali Siyasi Şurasının rəhbəri Mehdi əl-Məşət verdiyi açıqlamada, “Qəzza zolağında Fələstin xalqına dəstək verməklə bağlı mövqeyimiz aydın və sabitdir. Nəticələrindən asılı olmayaraq, hücumlar dayandırılmayana və blokada qaldırılmayana qədər bu mövqe dəyişməyəcək” deyib.
Meşat, ABŞ-ın hücumlarının Qəzzaya dəstək verməklə bağlı mövqelərinin doğruluğunu təsdiqlədiyini vurğulayaraq, “lazım gəldikdə izah edəcək variantları olduğunu” iddia edib.
Husilər martın 7-də İsrailə yardımın Qəzzaya girməsinə icazə verməsi üçün 4 gün vaxt verdiklərini, əks halda İsrailə qarşı dəniz əməliyyatlarını bərpa edəcəklərini açıqlayıblar.
ABŞ prezidenti Donald Tramp martın 15-də “Truth” sosial platforması hesabında verdiyi açıqlamada orduya Yəməndə husilərə qarşı “kütləvi hücum” əmri verdiyini açıqlayıb. Husilərin lideri Əbdül-Malik əl-Husi ABŞ təyyarələri və döyüş gəmilərinin husilərin hədəfi olacağını və hücumlarını davam etdirdikcə, dənizdə naviqasiya ilə bağlı blokadaların Vaşinqtonu da əhatə edəcəyini bildirib.
Husilər ABŞ və İngiltərənin paytaxt Səna da daxil olmaqla bir sıra şəhərlərə endirdiyi hava hücumlarında 79 nəfərin öldüyünü, 107 nəfərin yaralandığını bildirib.
Mənbə: Ahaber