Bugun.tv xəbər verir ki, sosial medianın asılılıq yaradan xüsusiyyətləri ABŞ-ın Florida ştatında profilaktik qanunun imzalanmasına səbəb olub. 2025-ci ildən etibarən 14 yaşdan kiçik insanlar üçün sosial media qadağan ediləcək.
Amerikanın Florida ştatında 14 yaşından kiçik uşaqların 2025-ci il yanvarın 1-dən etibarən sosial media platformalarında hesab yarada bilməyəcəyini nəzərdə tutan yeni qanuna əsasən, platformalar azyaşlı uşaqların hesablarını silməli olacaq. .
Əslində Florida ABŞ-da sosial mediaya məhdudiyyətlər qoymaq istəyən yeganə ştat deyil. Bu ştatın yeni qanunu indiyədək ən məhdudlaşdırıcı qərar kimi seçilir. Üstəlik, bu qərarın qanunvericilik yolu ilə verilməsi təhlükənin miqyasına diqqət çəkir.