Birləşmiş Millətlər Təşkilatının Təhlükəsizlik Şurası ABŞ-ın Venesuelada keçirdiyi hərbi əməliyyat və prezident Nikolas Maduronun tutulması məsələsini gündəliyinə salıb. Müzakirələr əsasən bu addımın beynəlxalq hüquqa uyğun olub-olmaması üzərində cəmləşəcək.
Reuters-in məlumatına görə, bir sıra ölkələr ABŞ-ın bu addımını Venesuelanın suverenliyinin pozulması kimi qiymətləndirir. ABŞ tərəfi isə bildirir ki, əməliyyat regional təhlükəsizlik və demokratiyanın qorunması məqsədi daşıyıb və beynəlxalq hüquqa uyğun əsaslandırılıb.
Təhlükəsizlik Şurasında keçiriləcək iclasın nəticələrinin siyasi baxımdan ciddi təsir göstərə biləcəyi qeyd olunur. Xüsusilə Latın Amerikası ölkələri və ABŞ arasında diplomatik gərginliyin artacağı ehtimal edilir.
Mənbə: Reuters.Com