Bugun.tv xəbər verir ki, ABŞ Müdafiə Nazirliyi (Pentaqon) Nigerin paytaxtı Niameydən bəzi hərbi personal və texnikanı “hər halda” başqa bir şəhərə köçürdüklərini açıqlayıb.
Pentaqonun mətbuat katibinin müavini Sabrina Sinq Niameydəki 101 saylı hava bazasındakı bəzi hərbi personalın və texnikanın Aqadezdəki 201 saylı hava bazasına aparıldığını bildirib.
Sözügedən addımın hər ehtimala qarşı atıldığını bildirən Sinq, “Biz heç bir mövqe dəyişməmişik, mövqeyimiz eynidir. Ümid edirik ki, meydandakı vəziyyət diplomatik yollarla həll olunacaq”, – deyib.
Hazırda Nigerdə 1100 ABŞ hərbçisinin olduğunu bildirən Sinq, hazırda oradakı ABŞ əsgərləri üçün heç bir təhlükə olmadığını əlavə edib.