Bugun.tv xəbər verir ki, ABŞ Dövlət Departamenti Rusiyanı Ukraynanın taxıl anbarlarına hücum etməkdə günahlandırıb və Moskvanı hərəkətlərinə son qoymağa çağırıb.
ABŞ Dövlət Departamenti sosial media hesabında bunuıa bağlı videomüraciət paylaşıb. Mesajda Ukraynanın hədəf alındığı iddia edilən taxıl anbarının hücumdan əvvəlki və sonrakı fotoları yer alıb.
Mesajda Rusiyanın Ukrayna taxıl anbarlarına hücumlarının ölkədəki fermerlər və dünyada aclıq çəkən insanlar üçün dəhşətli nəticələr verdiyi bildirilib və burada bir çox ailənin taxılla qidalana biləcəyinə diqqət çəkilib.
Mesajda Rusiya hücumlarına son qoymağa və Qara Dəniz Taxıl Təşəbbüsünə qayıtmağa çağırılır.