TikTok Rusiya media qurumları RT və Sputnik-in ABŞ prezident seçkiləri ilə bağlı “seçiciləri aldadan yazılarına” görə hesablarını həmişəlik bağladığını açıqlayıb.
ABŞ-da təxminən 170 milyon istifadəçisi olan sosial media platforması TikTok, ABŞ-da keçiriləcək seçkilər öncəsi yoxlamaları artırıb.
Rusiyanın “RT” və “Sputnik” media qurumlarının hesabları ABŞ prezident seçkiləri ilə bağlı “seçiciləri aldadan yazılarına” görə həmişəlik bağlanıb.
Çinin “ByteDance” şirkətinin əsas tərəfdaşı olduğu “TikTok” öz saytında Rusiyanın dövlət televiziyası RT və Rusiyanın “Sputnik” xəbər agentliyinin ana şirkətləri olan “TV-Novosti” və “Rossiya Seqodnya”nın hesablarını həmişəlik bağladığını elan edib.
Bəyanatda Rusiya media qurumlarının “seçiciləri aldadıcı məlumat yaydığı”, “örtülü təsir əməliyyatları” adlandırdığı və “siyasi təbliğatı qadağan edən siyasəti pozduğu” qeyd edilib.
Qeyd olunub ki, bu hesablar Avropa İttifaqı (Aİ) və Böyük Britaniyada da məhdudlaşdırılıb.
Sputnik isə X sosial media hesabında verdiyi açıqlamada TikTok-dakı 86 min abunəçisinin “ən aktual geosiyasi məsələlərlə bağlı faktları öyrənə bilməyəcəyini” bildirib.
Mənbə: EnSonHaber