Dünya

ABŞ Ukraynaya uzaqmənzilli raketlərin gizli şəkildə çatdırılmasını təsdiqlədi

ABŞ Ukraynanın uzun müddətdir tələb etdiyi uzaqmənzilli ballistik raketlərin gizli şəkildə Kiyevə çatdırıldığını açıqlayıb.

ABŞ Dövlət Departamentinin mətbuat katibinin müavini Vedant Patel mətbuat konfransında jurnalistlərin suallarını cavablandırıb.

Patel, Ordu Taktik Raket Sistemi (ATACMS) kimi tanınan uzaqmənzilli raketlərin prezident Co Baydenin göstərişi ilə gətirildiyini, lakin Ukraynanın tələbi ilə göndərildiklərini açıqlamadıqlarını bildirib.

Baydenin ATACMS-in Ukraynaya göndərilməsi üçün fevral ayında əmr verdiyini ifadə edən Patel, raketlərin mart ayında açıqlanan hərbi yardım paketi çərçivəsində göndərilməyə başlandığını və bu ay Ukraynaya çatdığını bildirib.

ABŞ-ın milli təhlükəsizlik müşaviri Jake Sullivan da jurnalistlərə bildirib ki, tədarüklər “Rusiya Şimali Koreyadan ballistik raketlər alıb Ukraynaya qarşı istifadə edib və mülki infrastruktura hücumları artırdıqdan” sonra həyata keçirilib.

Məlumdur ki, ATACMS raketləri təxminən 300 kilometr məsafədəki hədəfləri vurmaq gücündədir.

ABŞ administrasiyası martın 12-də Kiyevə 300 milyon dollarlıq “təcili hərbi dəstək” paketi göndərəcəyini açıqlayıb.

ABŞ prezidenti Bayden Ukraynaya 61 milyard dollarlıq hərbi yardım paketini dünən imzaladıqdan sonra dərhal Kiyevə yardım göndərməyə başlayacaqlarını bəyan edib.

Mənbə: TrtHaber

Aynur Camal

Oxşar xəbərlər

Almaniya Bolqarıstan və Rumıniyanın Şengen üzvlüyünü ratifikasiya etməyə hazırdır

Bugün TV

600-dən çox Ukrayna əsgəri həlak olub

Aynur Camal

Rusiya Ukraynaya irimiqyaslı hava zərbələri endirdi

Kəmalə Sultan

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu