Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, Rusiya prezidenti Vladimir Putin ABŞ-dakı prezident seçkiləri haqqında danışmağı dayandırsa və “müdaxiləni dayandırsa” Ağ Ev çox minnətdar olacaq.
“Birləşmiş Ştatların növbəti prezidentinin kim olacağını müəyyən etməli olan yeganə insanlar Amerika xalqıdır. Putin, birincisi, seçkilərimiz haqqında danışmağı dayandırsa, ikincisi, onlara müdaxiləni dayandırsa, biz çox minnətdar olardıq”, – Ağ Ev nümayəndəsi jurnalistlərlə onlayn brifinq zamanı bildirib (TASS-dan sitat).
Vladimir Putin Şərq İqtisadi Forumunun plenar iclasında deyib ki, ölkənin hazırkı prezidenti Co Bayden prezidentlik yarışından geri çəkildikdən sonra Kreml Kəmalə Harrisi ABŞ prezident seçkilərində favorit hesab edir. Eyni zamanda o qeyd edib ki, son seçimi Amerika xalqı edəcək və Rusiya hökuməti bu seçimə hörmətlə yanaşacaq. ABŞ-da prezident seçkiləri iki ay sonra, noyabrın 5-də keçiriləcək. Artıq 2017-2021-ci illərdə ölkə prezidenti vəzifəsini icra etmiş Donald Tramp Respublikaçılar Partiyasından namizəd olub. Co Baydenin əvvəlcə Demokratların namizədi olacağı gözlənilirdi, lakin o, namizədliyini geri götürdü. Onun yerinə vitse-prezident Kamala Harris Demokratlar Partiyasından namizəd olacaq.
Mənbə: mail.ru