Ağ Ev ABŞ prezidenti Baydenin Parkinson xəstəliyindən müalicə alması ilə bağlı iddiaları təkzib edib.
Nevroloq Dr. Kevin Cannardın Ağ Evi ziyarət etdiyi barədə də açıqlama verildi…
ABŞ mətbuatında Parkinson xəstəliyi üzrə ixtisaslaşmış həkimin Ağ Evə 8 dəfə baş çəkməsi xəbərindən sonra Ağ Ev ABŞ prezidenti Co Baydenin Parkinson xəstəliyindən müalicə almadığını açıqlayıb.
Ağ Ev ABŞ prezidenti Co Baydenin Parkinson xəstəliyindən müalicə alması ilə bağlı iddiaları təkzib edib. ABŞ mətbuatında hərəkət pozğunluqları üzrə ixtisaslaşmış və bu yaxınlarda Parkinson xəstəliyi ilə bağlı məqalə dərc etdirən nevroloq Dr. Kevin Cannardın keçən yaydan bu ilin yazına qədər Ağ Evə səkkiz dəfə səfər etməsi ilə bağlı xəbərlərdən sonra Ağ Ev açıqlama verib.
Ağ Evin mətbuat katibi Karine Jean-Pierre mətbuat konfransında Cannardın səfərini təsdiqləməkdən imtina edərək, hər kəsin şəxsi həyatına hörmət etmək istədiyini söyləyib. Jean-Pierre, Baydenin illik fiziki müayinələri ilə əlaqədar üç dəfə nevroloqa müraciət etdiyini və Baydenin Parkinson xəstəliyindən müalicə almadığını izah edib.
İyunun 27-də prezidentliyə namizəd Donald Trampla canlı debatda çıxışından sonra Baydenin açıqlanmayan xəstəlikdən əziyyət çəkə biləcəyi ilə bağlı narahatlıqlar artıb.
Mənbə: TGRT