Bugun.tv -xəbər verir ki, Hacıağa Abbasov adına Maştağa Mədəniyyət Mərkəzində əsası bu il qurulan “Şəfəq” teatrı öz fəaliyyətini nümayiş etdirib.
Bu ildən əsası qoyulan “Şəfəq” teatrının qurluşçu rəhbəri Azərbaycan Dövlət Mədəniyyət və İncəsənət Universitetinin III kurs tələbəsi Paşa Ağayevdir. Yeni fəaliyyətə başlamasına baxmayaraq “Şəfəq” teatrı artıq bir neçə əsərləri Üzeyir Hacıbəyovun “Arşın mal alan”, Cəfər Cabbarlının “Solğun çiçəklər”, Abdulla Şaiqin “Qaraca Qız” və sairəni səhnələşdirib.
Onlardan biri də Azərbaycanın görkəmli şairi Mikayıl Müşfiqin “Ah bu uzun sevda yolu” şeiri əsasında Əli Əmirli hazırladığı əsəridir.
Əsərdə şairin həyat yolu, repressiya dövrünün eybəcərlikləri, gənclərin vətənpərvərlik ruhu öz əksini tapıb.
Maştağa Mədəniyyət Mərkəzində səhnəyə qoyulan sözügedən bu tamaşanın quruluşçu rejissoru Paşa Ağayev, ideya Rəhbəri Şəfiqə Vəliyeva, musiqi tərtibatı Rəşad Yaqubovdur.
Rollarda Azərbaycan Dövlət Mədəniyyət və İncəsənət Universitetinin tələbələri Mikayıl Müşfiqi Paşa Ağayev, Dilbəri Leyli Memmedsoy, Dost şairi Yeganə Həbibova, Müdrik şairi MəmmədHəsən Məmmədov, Navator şairi Hökümə Ağayeva, Düşmən şairi Əli Zeynallı, Frencli kişini Hüseyn Quluzadə, Qadını Töhfə Vəliyeva, Güləri Fatimə Mirhəsənova canlandırıblar.
Sonda alqışlanan gənc aktyorlara gül dəstələri təqdim edilib və fotosessiya keçirilib.
