Avropa Ədalət Məhkəməsi ev heyvanlarının uçuşlarda baqaj kimi təsnif edilə biləcəyini və hava yollarının itirilən heyvanlara görə məhdud məsuliyyət daşıdığına qərar verib.
Mərkəzi ofisi Lüksemburqda yerləşən Avropa İttifaqının (Aİ) ən yüksək məhkəməsi olan Avropa Ədalət Məhkəməsi Buenos-Ayresdən Barselonaya uçan təyyarədə itin itməsi ilə bağlı iş üzrə qərar çıxarıb.
Məhkəmə ev heyvanlarının uçuşlarda “baqaj” sayıla biləcəyinə qərar verib.
Qərarda deyilirdi ki, “Hava səyahəti üçün ev heyvanı “baqaj” anlayışına düşür və ev heyvanının itirilməsi nəticəsində dəymiş zərərin ödənilməsi baqaj məsuliyyəti qaydalarına tabedir”.
2019-cu ildə Iberia Airlines-ın Buenos-Ayresdən Barselonaya uçan təyyarəsində bir it sahibi tərəfindən qəfəsdə aviaşirkətə təhvil verilib. İt gəmiyə aparılarkən qaçıb və heç vaxt tapılmayıb.
Buna cavab olaraq, sərnişin İspaniyada aviaşirkətə qarşı məhkəmə iddiası qaldıraraq 5000 avro dəyərində mənəvi təzminat tələb edib. Daha sonra İspaniya məhkəməsi işi Avropa Ədalət Məhkəməsinə göndərib.
Mənbə: Tgrthaber